لزواج نصيحه لكل ملحوسه

مساء /صباح الخيراااات الخلا

طريقه للملحوسااااااات الي تبي تتزوج ومجربه تسذاا

بسم الله

كيف تصطادين المعرس دون اللجوء الى الاساليب السقيمه من المغازلات والترقيم والتلميح اللي ماله سنع والترزز بالاسواق...........الخ على شحم

== أهم شي نشني على العجوز اللي حاطه عينك على ولدها ثم نفذي مايلي study

1/خليكي مع امك ولا تروحين مع البنات وتتهيبلين اصبري عنهم كم شهر لين تتم العمليه.

2/امشي وانتي حاطه راسك بين اكتوفك ولا ترفعينه ابد حتى لو عورك خلي الفكس دايم في متناول يدك.

3/كلمة خاله خليها دايم على لسانك خاصه لام المعرس عشان تحس بنوع من التميزعن باقي العجايز.
# ملاحظة: لا مانع تنادين عجوز ثانيه بخاله عشان اذا ما نجحت الخطه مع العجوز ننبرون تنجح مع ننبرتو الاحتياط واجب واناااااخوس.

4/اذا بدت امك تتكلم انغزيها بكوعك عشان تدخلك فالسالفه حتى لو مالك داعي تطبيقا للمثل<كثر الدق يفك اللحام> داري المثل ماله داعي بس مالقيت غيره حسـره

5/ اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كأنك امهم عشان العجوزتاخذ فكره انك حريصه على ذريتك geek

6/ كل ما اكلت امك من اكله زينه خليها تقول نفس الاكل اللي تسويه بنتي حتى لو الاكل من مطعم صيني او مكسيكي.

7/ اذا جيتي بتمدين يدك توجعي وخلي امك تقول قايلتلك وانا امك ماله داعي تنظفين جدران البيت الخارجيه (اقول
نظفي غرفتك اول اللي تقولين ثايره فيها قنبله ذرية إستهتار

8/اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها (بس لاتكتمين نفسك مره اخاف تروحين فيها واصيرقتلت نفس بغير حق)

9/مهما كان موضوع الحوار حماسي لا تبدين رايك خليك مثل البكما لان اللقافه تجيب اجل الخطة.

10/شعرك افرديه لا تخلينه طاير ولاتجعدينه مهما كانت الموضه لان العجايز مايدورون الا اللي شعورهم ناعمه afro

11/اذا ادلت العجوز (ام المعرس المتوهق) بأي راي سواء سياسي والا وطني والا اقتصادي وافقي عليه حتى لونه ماسخ وماله داعي
# مثال تقول العجوز بوش متقهوي عندنا البارح قوليلها وليه ماعلمتينا ياخاله نجي نساعدكم؟!

12/في العروس اضغطي على نفسك واقضبي ارضك ولا ترقصين واعتبري الرقص عيب وشق جيب.

13/اذا جاء طاري السوق وهولازم يجي الطاري لانه ملح الجلسه عند الحريم خلي امك تقول بناتي مايحبون يطلعون السوق ابوهم يجيب اغراضهم...

== الحين العجوزبتكون وقعت فالفخ == تصفيق حار

=== نرووح للمعرس الحين === Shocked

• اهجدي في بيت اهلك ولا عاد تطلعين واذا جا المعرس بيشوفك خلي ابوك يقول والله ودي تشوف البنت بدون ماتدري عشان تاخذ راحتك وانا عمك وبعد تشوفها ع الطبيعه ماتقول غشيتوني (ايه هين يالشايب)

• قبل يجي اليوم اللي بيشوفك فيه بحوالي اسبوع او اكثر(حسب شين الوجه)طامري من صالون لصالون صبغ فرد تنظيف بشرة الخ.

• اذا جا المعرس خلي اخوك يوقف جنبه عشان مايطيل التبحلق ويبان المستخبي وذلك تطبيق لنظرية (اللمحه ذبحه)

• في نهاية المشهد خلي ابوك يقول معليش وانا عمك ترى البنت شوي محيوسه.

==== وبهاللحظه الولد بينط على راس ابوك ويبوسه لين يشفط مخه ويقول متى العرس ياعم ؟؟ ====

((((((((((((( تحذيــــــــر مهــــــــــــــــــم ياللهول

)))))))))))))))

## ابتعدي عن امهات العياااال المتعلمااات راعيات الشنطة نفس لون الجزمة هذولا يبيلهم خطط بعيده المدى.....

........... انتهى وش رايتسن يا صبايا ............. معـصب